10 Kasım 2009 Salı

SERBAZÎ WIN

    ''Gul le ser derya danên'' Andrêy Voznîsênskî

Ke wefdê deçête şwênê,
bo ser gorrî Serbazî Win
tacegullîneyek dênê.

Eger sibey
wefdêk bête willatî min,
lêm bipirsê :
''kwanê gorrî Serbazî Win?''
Delêm :
''Gewrem!
Le kenarî her cogeyê,
le ser sekoy her mizgewtê,
le ber dergay,
her mallê,
her killêseyê,
her eşkewtê,
le ser gaberdî her şaxê,
le ser dirextî her baxê
lem willate,
Le ser her biste zemînê,
le jêr her geze azmanê,
metirse! Kemêk ser daxe û
tace gullîneket danê!''


5.11.1978. Moskow


Abdulla Peşêw



_____________________
serbazî win : serbazê winda; cangoriyên ji bo welêt ketine û nenaskirî ne.
wefd: heyet, şande. şwênê : şûn. tacegullîne: gulwaz, tacegul. gorr: qebîr, gorr, tirbe. kwanê? : kanî? delêm: dibêjim. gewrem: mezinê min. coge: co, cihok. seko: sewkî. eşkewtê: şikeft. gaberd: zinar. bist: bihost. gez: gaz, (pîvaneke nezîkî metrekê).




Ebdulla Peşêw Kî Ye?

Ebdulla Peşêw an Evdila Peşêw helbestvanekî kurd e ku bi zaravayê soranî dinivîse.
Di sala 1946'an de, li bajarê Hewlêrê hatiye dinyê.
Di salên 1960'an de tev li şoreşa başûr dibe, demekî pêşmergetiyê dike, piştra derdikeve derveyî welêt.

Niha (2008) jî li Fînlandê mamostetiya zanîngehekê dike.

Hiç yorum yok:

Yorum Gönder