10 Kasım 2009 Salı

Xeyalek



Dizanim
niha dayîka min
li hêlekî dew dikilê bi meşkê
li hêla din hêsrên çavan dibarîne hûr û hûr
ew çavên ku qerimiyê ji mêzekirina rêyên dûr


Dizanim
niha bavê min
geh pişta xwe dide dîwar
û
dikeve nav xewn û xiyalên kûr
qurmiçên eniya wî da
yek bi yek tên xuyandin
rêçên jiyanek bi zilm û zor
û
geh jî titûna qaçax
cixarê dipêçe û dikişîne
le, kul û keserên sedsalî
di dûyê cixara wî da
xelek xelek difitile


Dizanim
niha xweşkên min
rûniştinin li şaneşînê
hesretên dilên xwe
wek hevîrmêş dirêsin
û
li ser cawên sipî dineqişînin ...


Jiyan Alpîranî


Jiyan Alpîranî Kî Ye?

Jiyan Alpîranî wergervanek û helbestvanekî kurd e.
Di sala 1965 an da Li Kanîreş a girêdaye bajarê Çewlîg ê hatîye dine. Niha li Almanya yê dijî.Gelek werger u helbestên wî di kovara Avaşîn u kovara Mehname û malpera Beroj de weşîyaye.

Hemû helbestên Ahmed Arîf û gelek helbestên Can Yucel, Cemal Surreya, Sunay Akin, Ahmet Telli, Yilmaz Odabaşi, Paul Eluard, Edgard Allan Poe, hinik ceribandinên Ahmet Altan û Montaigne li kurdî wergerandîye.Xebatekî wî ji bo amadekirina ferhengekî Kurmanci-Kurmancî heye.

Jiyan Alpîranî wergêrê yekemîn a OpenOffice.org bi kurdî bû.


Ji bo Helbestên Jiyan Alpîranî :

http://www.berroj.org/helbest/41-j-alpirani.html

Hiç yorum yok:

Yorum Gönder